ნაპოლიში პრობლემებს დასასრული არ უჩანს. იმის მიუხედავად, რომ ანტონიო კონტე "პარტენოპეიში" რჩება, კლუბში აშკარად მძიმე სიტუაციაა და ამის შესახებ უკვე ყველა გავლენიანი გამოცემა საუბრობს.
პრობლემებია ფეხბურთელებთანაც, რომლებსაც ანტონიო კონტესთან კარგი ურთიერთობა არ აქვთ. დადასტურებულად ამ სიაში 3 ფეხბურთელი მოხვდა, კერძოდ ნოა ლანგი, დავიდ ნერესი და ლორენცო ლუკა. როგორც ნეაპოლური გამოცემები წერენ, ეს მოთამაშეები ზამთრის სატრანსფერო ფანჯრის დროს კლუბის დატოვებას სერიოზულად განიხილავენ, რადგან მთავარ მწვრთნელთან კარგი ურთიერთობა არ აქვთ.
ზემოხსენებულ ფეხბურთელებს პირველ რიგში პრობლემა სათამაშო დროსთან დაკავშირებით აქვთ — ნოა ლანგი, დავიდ ნერესი და ლორენცო ლუკა ანტონიო კონტესთვის ღრმა როტაციის ფეხბურთელები არიან, რაც რა თქმა უნდა პრობლემებს იწვევს.
უახლოეს კვირებში ამ სამ მოთამაშესა და იტალიელ მთავარ მწვრთნელს შორის სიტუაიცა თუ არ გამოსწორდება, იანვარში სამივე მათგანი ნაპოლის დატოვებს.
