ოფიციალურად — მატეო პოლიტანომ ნაპოლისთან კონტრაქტი 2028 წლამდე გაახანგრძლივა. რამდენიმე კვირის წინ დაწყებული მოლაპარაკებები საბოლოო შეთანხმებით დასრულდა.
ანტონიო კონტეს გამოცდილი იტალიელი ვინგერის შენარჩუნება სურდა, სწორედ ამიტომ, "პარტენოპეიმ" 32 წლის ფეხბურთელს ახალი ხელშეკრულება გაუფორმა. ინფორმაციისთვის იმასაც გეტყვით, რომ ახალი კონტრაქტით მატეო პოლიტანოს წლიური ანაზღაურება დაახლოებით €3.1 მილიონამდე გაიზრდება.
მატეო პოლიტანო ნაპოლის ღირსებას 2020 წლიდან მოყოლებული იცავს. იტალიელმა ამ დროში 238 მატჩის ჩატარება მოასწრო, გაიტანა 34 გოლი და 35 საგოლე გადაცემითაც გამოიჩინა თავი.
