თავდაპირველი ვერსიით, განიხილებოდა ლივერპულში გადასვლა და 2-წლიანი იჯარით ბორნმუთში თამაში, თუმცა ქართველი მეკარის მხარემ ამ შემოთავაზებაზე უარი თქვა.
ამ ეტაპზე, მხარეები შემდეგ პირობებზე თანხმდებიან - მამარდაშვილი პრემიერ ლიგის გრანდს ამ ზაფხულს შეუერთდება, თუმცა 1-წლიანი იჯარის წესით ვალენსიაში დაბრუნდება, სანამ ალისონი ლივერპულს არ დატოვებს.
LaGazzeta.ge-ს ინფორმაციით, თუ მოლაპარაკებებმა წარმატებით ჩაიარა, მამარდაშვილის ლივერპულში კონტრაქტი ასეთი იქნება - 4-წლიანი კონტრაქტი მერსესაიდულ გუნდთან და 4 მილიონი ევრო წელიწადში. ცნობისთვის, ვალენსიაში მამარდაშვილის ამჟამინდელი ანაზღაურება 1.7 მილიონ ევროს შეადგენს.
მხარეებს შეთანხმებისთვის ჯერ ბოლომდე არ მიუღწევიათ, თუმცა როგორც ჩვენთვის არის ცნობილი, ამ 1-წლიანი იჯარის პერიოდში, მამარდას იმ ხელფასს, რომელიც ამჟამად ვალენსიაში აქვს, "ღამურები" გადაუხდიან, დანარჩენ ნაწილს კი - ლივერპული.
მერსესაიდელები მამარდაშვილის სანაცვლოდ 30 მილიონ ფუნტს გადაიხდიან.
