– მოხარული ვართ მოგესალმოთ კრილია სოვეტოვში. გაგვიზიარე პირველი შთაბეჭდილებები.
– მადლობა მინდა გადავუხადო ხელმძღვანელობას და სამწვრთნელო შტაბს ნდობისთვის. კრილია სოვეტოვი დიდი ისტორიის მქონე კლუბია. ეს ჩემთვის მნიშვნელოვანი ნაბიჯია, შესაბამისად აქ გადმოსვლა ვფიქრობ საინტერესო იქნება. მე აქ იმისთვის ვარ, რომ გუნდს დასახული მიზნების მიღწევაში დავეხმარო, რისთვისაც კი ყველაფერს გავაკეთებ.
– კრილიას ვარიანტი როდესაც გამოჩნდა, ბევრი იფიქრე ტრანსფერზე?
– კრილიაში ტრანსფერამდე ბევრ ადამიანს ვესაუბრე. ყველამ აღნიშნა, რომ ეს არის შესანიშნავი გუნდია, შესანიშნავი შემადგენლობითა და სამწვრთნელო შტაბით. ცალ-ცალკე ყველამ თქვა, რომ სამარა საფეხბურთო ქალაქია და გულშემატკივრებს უყვართ თავიანთი კლუბი.
– გასულ შემოდგომაზე უკვე ითამაშეთ Solidarity Samara Arena-ზე. რა მოგონებები გაქვს?
– საინტერესო მატჩი გამოვიდა, სადაც ბევრი გატანილი გოლი ვიხილეთ – ეს მატჩი სულ მემახსოვრება. ზეწოლას არ ვგრძნობდი, უბრალოდ თამაშით ვისიამოვნე.
– კრილიას რიგებში სხვადასხვა წლებში თამაშობდნენ ქართველი ფეხბურთელები: მინაშვილი, ფოფხაძე, გვარამაძე, ლორია, მუჯირი და სხვები. ისინი ყოველთვის გამოირჩეოდნენ ორიგინალური თამაშით და ფანებს ისინი უყვარდათ....
– მიხარია, რომ სამარაში მათი თამაში ახსოვთ. ვეცდები ჩემი წვლილი შევიტანო ამ გუნდის წარმატებაში და სამარას გულშემატკივრებს დავამახსოვრო ჩემი თავი.
– კრილიას ფეხბურთელებიდან რომელს იცნობთ პირადად?
– სეზონის განმავლობაში ბევრ მათგანთან მომიწია თამაში, მაგრამ მათ პირადად ახლა, საწვრთნელ ბანაკში შევხვდი. მაშინვე შევნიშნე შესანიშნავი ატმოსფერო. მე ვცხოვრობ ოთახში ანტონ ზინკოვსკისთან ერთად. მან უკვე ბევრი რამ მითხრა ფეხბურთელებზე, კლუბსა და ქალაქზე.
