რამდენიმე დღის წინ გავრცელებული ინფორმაციით, პსჟ-ს შემტევი ბრედლი ბარკოლა მზადაა ზაფხულში გუნდი დატოვოს, თუ მისი სათამაშო დრო არ გაიზრდება.
ამის მთავარი მიზეზი ხვიჩა კვარაცხელიას გუნდში მისვლაა. ხვიჩას ტრანსფერის შემდეგ, პსჟ საოცარ ფეხბურთს თამაშობს, კვარა კი გუნდს შესანიშნავად მოერგო.
ბარკოლას შემდეგ, კვარას გუნდში მისვლას შესაძლოა კიდევ ერთი ფეხბურთელი, კანგ-ინი ლი შეეწიროს, რომელიც სტაბილურად კარგად თამაშობდა, მაგრამ დღევანდელი ფორმაციის პსჟ-ში მისი ადგილი არ მოიძებნება.
აზიელი ფეხბურთელი კლუბის ხელმძღვანელობას შეხვდება და თუ ვერ შეთანხმდებიან, სავარაუდოდ, გუნდს ზაფხულში დატოვებს.
