როგორც ესპანური MARCA იუწყება, ლევანტე ქართველ ფეხბურთელს ახალ გუნდში გადასვლაში ხელს არ შეუშლის, თუმცა გუნდი მის სანაცვლოდ მაქსიმალურად დიდი თანხის აღებას შეეცდება. როგორც უკვე ზემოთ ვახსენეთ, ლევანტე ქოჩორაშვილს მინიმუმ €5 მილიონად აფასებს, თუმცა თუ გიორგის მიმართ დიდი ინტერესი იქნება, გუნდი €5 მილიონზე ბევრად მეტის გამომუშავებას მოახერხებს.
ქოჩორაშვილს კლუბთან არსებული კონტრაქტი 2027 წლამდე აკავშირებს, თუმცა ქართველი ფეხბურთელი გუნდში დარჩენას არ გეგმავს. გიორგის ახალ გუნდში გადასვლა სურს, თანაც ისეთში, რომელიც ტოპ ლიგაში ასპარეზობს. როგორც ჩვენთვის არის ცნობილი, ქოჩორაშვილის მიმართ ინტერესი უკვე ბევრმა გუნდმა გამოხატა და მომდევნო კვირიდან მოსალოდნელია მათი გააქტიურება.
სატრანსფერო ფანჯრის დახურვამდე ერთ თვეზე მეტია დარჩენილი, შესაბამისად, უახლოეს პერიოდში ქოჩორაშვილის თაობაზე უფრო მეტ სიახლეს ველოდებით, LaGazzetta.ge კი ყველაზე სწრაფად მოგაწვდით გადამოწმებულ ინფორმაციას.
