"არ ვიცი, მართლა მიაღწიეს თუ არა შეთანხმებას მის ტრანსფერთან დაკავშირებით, რადგან მე ამის შესახებ ინფორმაცია არ მაქვს. ქოჩორაშვილი ამ მომენტისთვის ჩვენი ფეხბურთელია და ვისაც მისი დამატება მოუნდება, პირველ რიგში ლევანტესთან შეთანხმებას უნდა მიაღწიოს."
რამდენიმე დღის წინ გავრცელებული ინფორმაციის თანახმად, სპორტინგი გიორგი ქოჩორაშილის გაფორმებასთან არის ახლოს და თუ ყველაფერი გეგმის მიხედვით წავა, 25 წლის ქართველი ნახევარმცველი ახალ სეზონს ლისაბონურ კლუბში დაიწყებს. ამასთან დაკავშირებით, LaGazzetta.ge ქართველი ფეხბურთელის აგენტს დაუკავშირდა, რომელმაც პირად საუბარში პორტუგალიური გუნდის ინტერესი დაგვიდასტურა.
გიორგი ქოჩორაშვილს ლევანტესთან არსებული კონტრაქტი 2027 წლამდე აკავშირებს. ვალენსიური კლუბი ქართველ ფეხბურთელს დაახლოებით €5-8 მილიონად აფასებს.
