შეთანხმება შედგა — ტიაგო ალმადამ ლიონი დატოვა და კარიერას ატლეტიკო მადრიდში გააგრძელებს! მხარეებმა გარიგების ყველა დეტალი შეათანხმეს, 24 წლის არგენტინელი ფეხბურთელი სამედიცინო შემოწმებას უახლოეს საათებში გაივლის, რის შემდეგაც მადრიდულ კლუბთან კონტრაქტს გააფორმებს. ჩოლო სიმეონეს გუნდი ახალგაზრდა ფეხბურთელის სანაცვლოდ დაახლოებით €40 მილიონს გადაიხდის.
ტიაგო ალმადამ გასული სეზონის მეორე ნახევარი იჯარის წესით ლიონში გაატარა. შეგახსენებთ, არგენტინელი ფეხბურთელი ბოტაფოგოს საკუთრებაში იმყოფება. იმის მიუხედავად, რომ პაულუ ფონსეკას ფეხბურთელის შენარჩუნება სურდა, ლიონის ფინანსური პრობლემების გამო ეს ტრანსფერი თავიდანვე გამოირიცხა.
განიხილებოდა ბენფიკას ვარიანტიც, თუმცა მას შემდეგ, რაც საქმეში ატლეტიკო მადრიდი ჩაერთო, სიტუაცია რადიკალურად შეიცვალა და გარიგებაცდაიხურა. თუ ყველაფერი გეგმის მიხედვით წავა, ესოანური კლუბი ტიაგო ალმადას ტრანსფერს უახლოეს დღეებში ოფიციალურად წარადგენს.
