ლუკა ლაცაბიძე 1-წლიანი იჯარით ჩერნომორეცში ითამაშებს

უკრაინაში ზაფხულის სატრანსფერო ფანჯრის დახურვამდე ერთი კვირით ადრე, Tribuna.com საინტერესო ინფორმაციას ავრცელებს — ლუკა ლაცაბიძე შახტარის დასატოვებლად ემზადება, 20 წლის ქართველი ცენტრალური მცველი 1-წლიანი იჯარით ჩერნომორეცში ითამაშებს, მხარეებს შორის წინასწარი სიტყვიერი შეთანხმება უკვე შედგა. ლუკა უახლოეს საათებში ახალ კლუბში სამედიცინო შემოწმებას გაივლის და კონტრაქტს ხელს მოაწერს.

ლაცაბიძე შახტარის ღირსებას 2024 წლის თებერვლიდან მოყოლებული იცავს. ფეხბურთელი უკრაინულ გუნდს დინამო თბილისიდან €700.000 სანაცვლოდ შეუერთდა და კლუბთან 4-წლიანი კონტრაქტი გააფორმა.

ლაცაბიძის ტრანსფერი ჩერნომორეცში დიდი ალბათობით უახლოეს საათებში გაოფიციალურდება.