ლუკა ლოჩოშვილი კრემონეზეს დასატოვებლად ემზადება — როგორც ირკვევა, ქართველი ფეხბურთელის ტრანსფერზე ნიურნბერგი მუშაობს. გერმანული კლუბი მზადაა ქართველი ფეხბურთელის სანაცვლოდ დაახლოებით €1-1.5 მილიონი გადაიხადოს. ჩვენი ინფორმაციით, ამ ტრანსფერის განხორციელების ალბათობა საკმაოდ დიდია. მხარეები გარიგების ბოლო დეტალებს უახლოეს საათებში მოაგვარებენ, რის შემდეგაც ქართველი ფეხბურთელი გერმანიაში გაფრინდება.
საქართველოს ეროვნული ნაკრების წევრი ამ დრომდე კრემონეზეს საკუთრებაში იმყოფება. 27 წლის მცველმა, გასული სეზონის მეორე ნაწილი იჯარის წესით სალერნიტანაში გაატარა, სადაც ჯამში 20 შეხვედრა ჩაატარა.
რაც შეეხება ნიურნბერგს, გუნდი ბუნდესლიგა 2-ში ასპარეზობს. "Der Club"-მა გასული სეზონი 48 ქულით, მე-10 პოზიციაზე დაასრულა.
