წყაროს ცნობით, ლივერპულისა და ვალენსიას წარმომადგენლებს შორის, უახლოეს პერიოდში კიდევ ერთი შეხვედრაა ჩანიშნულია, სადაც მხარეები პოტენციურ ტრანსფერზე ისაუბრებენ. ქართველი ფეხბურთელის პირობების შესახებ, მერსისაიდულ კლუბში ინფორმაცია აქვთ — გიორგი მხოლოდ ისეთ გუნდში გააგრძელებს კარიერას, სადაც #1 იქნება, სწორედ ამის გამო, ლივერპულში განიხილება ფეხბურთელის ყიდვა და 1-წლით სხვა გუნდში იჯარით გაშვება, რაზეც, როგორც ირკვევა, მამარდაშვილიც თანახმაა.
ფაბრიციო რომანოს ინფორმაციით, ლივერპულში სერიოზულად განიხილავენ 23 წლის ფეხბურთელის ყიდვას, თუმცა ამ დრომდე კლუბს მის სანაცვლოდ შეთავაზება არ გაუკეთებია. ვალენსია მამარდაშვილის სანაცვლოდ €35-40 მილიონს ითხოვს, შესაბამისად, ჯერჯერობით უცნობია ლივერპული ამ თანხის გადახდას გეგმავს თუ არა. ასევე, გასარკვევია ალისონის მომავალიც, რომელიც ენფილდის დატოვებას ჯერჯერობით არ განიხილავს.
უახლოეს დღეებში, მამარდაშვილი-ლივერპულის თაობაზე უფრო მეტი სიახლე გახდება ცნობილი, LaGazzetta.ge კი ყველაზე სწრაფად მოგაწვდით გადამოწმებულ ინფორმაციას.
