ამ სეზონის მანჩესტერ იუნაიტედი ვერანაირ კრიტიკას ვერ უძლებს... გუნდს როგორც დაცვაში, ისე შეტევაშიც ძალიან უჭირს. თამამად შეგვიძლია იმის თქმა, რომ ვერც ჰოილუნი მოერგო რუბენ ამორიმის სათამაშო სქემას და ვერც ზირკზე. ორივე ფეხბურთელი საკმაოდ დიდ სათამაშო დროს იღებს, თუმცა გოლები მაინც არ ჩანს, რაც გუნდს საქმეს კიდევ უფრო ურთულებს. ზირკზეს ანგარიშზე ამ სეზონში სულ რაღაც 5 გატანილი გოლია, ხოლო ჰოილუნის 7 (საუბარია ყველა ტურნირზე).
შეგახსნებეთ, მანჩესტერულმა კლუბმა ჰოილუნის სანაცვლოდ თითქმის €75 მილიონი გადაიხადა, ხოლო 2024 წლის ზაფხულში ჯოშუა ზირკზე €45 მილიონად გაიფორმა. ჯამში საუბარია €120 მილიონზე, რაც მარტივად შეგვიძლია ვთქვათ, რომ წყალში გადაყრილი ფულია.
ზაფხულის სატრანსფერო ფანჯრის დროს, მანჩესტერ იუნაიტედი ახალ ფორვარდს აუცილებლად დაიმატებს, ეს 100% დადასტურებულია. იქამდე კი მოსალოდნელია, რომ ჰოულუნი-ზირკზეს დუოდან ორივე თუ არა, მინიმუმ ერთი აუცილებლად გაიყიდება.
