მანჩესტერ სიტიში ახალი სეზონისთვის მზადებას აგრძელებენ. როგორც ცნობილი ხდება, ზაფხულში გუნდს საკმაოდ ბევრი ფეხბურთელი დატოვებს, რაც იმას ნიშნავს, რომ "ქალაქელებს" წინ დატვირთული სატრანსფერო ფანჯარა ელოდებათ.
ჯეიმს ტრაფორდი, ჯონ სტოუნსი, ბერნარდუ სილვა, ჯეკ გრილიში და ნათან აკე მანჩესტერ სიტის 100% დატოვებენ, ხოლო რაც შეეხებათ ტიჯანი რეიდნერსს, ომარ მარმუშსა და სავინიოს, კლუბი მათ სანაცვლოდ ყველა შეთავაზებას განიხილავს. ეს სამეული ტრანსფერზეა დაყენებული, რაც იმას ნიშნავს, რომ დიდი შანსია ახალი სეზონი, ახალ გუნდებში დაიწყონ.
ახლა კი ამ მოთამაშეების სატრანსფერო ფასებზე ვისაუბროთ — მანჩესტერ სიტი სავინიოსა და ტიჯანი რეინდერსს €50/60 მილიონად აფასებს, ხოლო ომარ მარმუშის ღირებულება დაახლოებით €60/65 მილიონია. ზაფხულის სატრანსფერო ფანჯრის მოახლოებასთან ერთად, ზემოხსენებული ფეხბურთელების თაობაზე უფრო მეტი ინფორმაცია გახდება ცნობილი.
