ლენი იოროსა და ჯოშუა ზირკზეს შემდეგ "წითელი ეშმაკები" ორმაგ შეთავაზებას ამზადებდნენ და ბაიერნიდან ორი ფეხბურთელის წამოყვანას გეგმავდნენ, საიდანაც ერთის ტრანსფერი რამდენიმე წუთის წინ დაიხურა — საუბარია მატეის დე ლიხტზე, რომელიც კარიერას ოლდ ტრაფორდზე გააგძრელებს. 24 წლის ნიდერლანდელის ტრანსფერზე გუნდი რამდენიმე კვირა მუშაობდა და როგორც ჩანს, მხარეებმა საბოლოო შეთანხმებას მიაღწიეს.
საუბარია €50 მილიონიან გარიგებაზე, ფეხბურთელისთვის კი 5-წლიანი კონტრაქტი მზადაა. დე ლიხტს მანჩესტერში უახლოეს საათებში ელოდებიან, სადაც ახალ კლუბში სამედიცინო შემოწმებას გაივლის და კონტრაქტს ხელს მოაწერს. ტენ ჰაგი და ნიდერლანდელი მცველი ისევ ერთად იმუშავებენ... შემდეგი კი ნუსაირ მაზრაუია, რომლის ტრანსფერის დახურვაც მომდევნო კვირაში იგეგმება.
