ტრანსფერი დროის საკითხია — ვანია მილინკოვიჩ-სავიჩი ტორინოდან კარიერას ნაპოლიში გააგრძელებს. "პარტენოპეი" სერბი მეკარის სანაცვლოდ დაახლოებით €23 მილინს გადაიხდის. 28 წლის კარის დარაჯი ახალ კლუბთან მინიმუმ 4-წლიან კონტრაქტს გააფორმებს. მილინკოვიჩ-სავიჩს ნეაპოლში უკვე ელოდებიან, სადაც ფეხბურთელი სამედიცინო შემოწმებას გაივლის და კონტრაქტს ხელს მოაწერს.
ნაპოლიში ახალი სეზონისთვის მზადებას აქტიურად აგრძელებენ. როგორც მოგეხსენებათ, კლუბმა ლუკა მარიანუჩის, კევინ დე ბრუინის, სემ ბეუკემას, ნოა ლანგისა და ლორენცო ლუკას ტრანსფერები უკვე დახურა, თუმცა "პარტენოპეი" ამაზე გაჩერებას არ აპირებს. ანტონიო კონტეს ახალი მეკარის დამატება სურდა და როგორც ჩანს არჩევანი გამოცდილ სერბზე შეჩერდა.
ვანია მილინკოვიჩ-სავიჩი ტორინოს ღირსებას 2017 წლიდან მოყოლებული იცავდა. სერბმა ფეხბურთელმა ამ დროში 158 მატჩის ჩატარება მოასწრო.
