ადგილობრივი ბელგიური გამოცემა Sudinfo.be-ის ინფორმაციით, იუპილერლიგის ბინადარი სტანდარდ ლიეჟი საქართველოს ეროვნული ნაკრების ფეხბურთელით ანზორ მექვაბიშვილით სერიოზულად ინტერესდება. ბელგიურ კლუბსა და 24 წლის ფეხბურთელს შორის პირველი კონტაქტი უკვე შედგა, სადაც მხარეებმა პოტენციურ ტრანსფერზე ისაუბრებს.
ამავე გამოცემის ინფორმაციით, ლიეჟს კრაიოვასთვის ქართველი ფეხბურთელის პოტენციურ ტრანსფერთან დაკავშირებით ჯერ არ მიუმართავს, თუმცა უახლოეს დღეებში მოსალოდნელია, რომ მხარეებს შორის პირველი კონტაქტი შედგება.
ანზორ მექვაბიშვილი კრაიოვას ღირსებას 2024 წლიდან მოყოლებული იცავს. ქართველმა ფეხბურთელმა ამ დროში 54 მატჩის ჩატარება მოასწრო, გაიტანა 3 გოლი და 1 საგოლე გადაცემითაც გამოიჩინა თავი. 24 წლის ნახევარმცველს კლუბთან არსებული კონტრაქტი 2028 წლამდე აკავშირებს, მისი სატრანსფერო ფასი კი დაახლოებით €5-8 მილიონია.
