მორატასთვის თითქმის ყველაფერი გამზადებულია და მილანში გამოცდილი ესპანელის საბოლოო თანხმობას, ევრო 2024-ის ფინალის შემდეგ ელოდებიან. იტალიური გუნდი 31 წლის ფეხბურთელის გამოსასყიდ თანხას €13 მილიონს გადაიხდის. მორატასთვის პირადი, 4-წლიანი კონტრაქტიც მზადაა.
რაც შეეხება ფოფანასა და პავლოვიჩს, ორივე ფეხბურთელთან წინასწარი სიტყვიერი შეთანმმება უკვე არსებობს, ორივე მათგანისთვის 5-წლიანი კონტრაქტია გამზადებული. ფეხბურთელებს კარიერის გაგრძელება მხოლოდ მილანში სურთ და ეს ყველაფერი როგორც მონაკოში, ისე ზალცბურგშიც კარგად იციან. ორივე ფეხბურთელის ფასი €25 მილიონამდეა. მილანი მორატას ტრანსფერის შემდეგ, ამ ორი ფეხბურთელის დამატებასაც გეგმავს.
ამ ტრანსფერების გარდა მილანი კიდევ აპირებს სატრანსფერო ბაზარზე აქტიურობას. გუნდი მარჯვენა მცველს და კიდევ ერთ ფორვარდს ეძებს - განიხილება ემერსონ როიალისა და ნიკლას ფულკრუგის ტრანსფერებიც, თუმცა წინ საკმაოდ დიდი დროა და შეიძლება გუნდი სხვა სამიზნეებზე გადაერთოს.
