ბოლო მომენტში რაიმე გაუთვალისწინებელი თუ არ მოხდება, მაიკ მენიო მილანს მიმდინარე სატრანსფერო ფანჯრის დროს დატოვებს. როგორც რამდენიმე დღის წინ გაცნობეთ, ფრანგ ფეხბურთელს "როსონერის" დატოვება და კარიერის ჩელსიში გაგრძელება სურს. კლუბები ტრანსფერზე მუშაობას აგრძელებენ, თუმცა ამ მომენტისთვის შეთანხმებას ვერ ახერხებენ. თუ მაიკ მენიოს ჩელსიში ტრანსფერი ჩაიშლება, 29 წლის მეკარეს სხვა გუნდის მოძებნა მოუწევს.
მილანში მაიკ მენიოს შემცვლელეს კი უკვე ეძებენ — სახელდება 4 პოტენციური შემცვლელი: მილე სვილარი (რომა), ვანია მილინკოვიჩ-სავიჩი (ტორინო), ელია კაპრილე (ნაპოლი) და ზაიონ სუზუკი (პარმა). "როსონერიში" ოთხივე მეკარე ძალიან მოსწონთ, მეტიც, კლუბი ყველა მათგანთან მოლაპარაკებებს უკვე რამდენიმე დღეა, რაც აწარმოებს. ამ მომენტისთვის უცნობია რომელი მათგანია მთავარი სამიზნე, რადგან ყველაფერი მაინც მაიკ მენიოზეა დამოკიდებული.
უახლოეს დღეებში მაიკ მენიოს პოტენციურ ტრანსფერთან დაკავშირებით უფრო მეტი ინფორმაცია გახდება ცნობილი. შეგახსენებთ, ფრანგ მეკარეს მილანთან არსებული კონტრაქტი 2026 წლამდე აკავშირებს, შესაბამისად, "როსონერის" ფეხბურთელის გაყიდვა ახლავე სურს.
