ნაპოლი ჩემპიონთა ლიგის მე-7 ტურისთვის მზადებას აგრძელებს. ანტონიო კონტეს გუნდის მომდევნო მეტოქე დანიური კოპენჰაგენი იქნება. გუნდებს შორის საკმაოდ მნიშვნელოვანი დაპირისპირება 21 იანვარს, თბილისის დროით 23:55 საათზე გაიმართება.
ამ მატჩს "პარტენოპეი" სერიოზული დანაკლისით ხვდება. ალექს მერეტის, კევინ დე ბრუინის, ანდრე-ფრანკ ზამბო ანგისას, ბილი გილმორისა და დავიდ ნერესის გარდა, ანტონიო კონტეს განკარგულებაში ამირ რაჰმანი და მატეო პოლიტანოც არ იქნებიან.
კოსოვოელი ცენტრალური მცველი მინიმუმ ორ კვირას იუქმებს, ხოლო იტალიელი ვინგერის ტრავმა ბევრად მძიმეა, რის გამოც საკუთარ გუნდს დაახლოებით 1 თვე ვერ დაეხმარება.
