ჩვენი ინფორმაციით, ჭიაბრიშვილის ბათუმში მისვლამდე, აჭარულმა კლუბმა შეთავაზება თემურ ქეცბაიას გაუკეთა, თუმცა ფინანსურ საკითხებზე ვერ შეთანხმდნენ.
LaGazzetta.ge-ს ცნობით, ამჯერად ქეცბაიასთან მოლაპარაკებებს ქუთაისის ტორპედო აწარმოებს და მზადაა, რომ ოფიციალური შეთავაზებაც გაუკეთოს, თუმცა ჯერჯერობით, გადაწყვეტილი არაფერია, რადგან ტორპედო უცხოელი სპეციალისტის დანიშვნასაც განიხილავს.
იქამდე კი, ტორპედოს ჯერ ამჟამინდელი მთავარი მწვრთნელი სტივ კინი ჯერაც არ გაუშვია. მას გუნდთან მოქმედი კონტრაქტი აკავშირებს, თუმცა სავარაუდოდ, ბრიტანელი სპეციალისტი გუნდს მაინც დატოვებს.
შეგახსენებთ, რომ ეროვნული ლიგის გასული სეზონი ტორპედომ მეორე ადგილზე დაასრულა და ახალ სეზონში მიზანი ჩემპიონობაა.
