ალესანდრო ბონჯორნო ტორინოს აკადემიის აღზრდილია — ფეხბურთელმა ყველა ასაკობრივ გუნდში მოასწრო თამაში, 2018 წლიდან კი მთავარ გუნდში დაწინაურდა. შემდეგ იყო 1-წლიანი იჯარა კარპიში, თუმცა ალესანდრო 2020 წელს მშობლიურ გუნდში დაბრუნდა და მალევე შეუცვლელი წევრიც გახდა. იტალიელმა მცველმა ტორინოს რიგებში ჯამში 109 მატჩი ჩაატარა, რა დროშიც 4 გოლის გატანა მოახერხა და 5 საგოლე გადაცემითაც გამოირჩა.
ფეხბურთელს ნეაპოლში სამედიცინო შემოწმების გასავლელად, უახლოეს საათებში ელოდებიან. მხარეებმა ტრანსფერის ბოლო დეტალები რამდენიმე საათის წინ მოაგვარეს. კონტრაქტში ჩაიწერება გამოსასყიდი თანხაც, კერძოდ €70 მილიონი, რომელიც 2027 წლიდან ამოქმედდება.
