რაფა მარინი სევილიის აკადემიის აღზრდილია, საიდანაც 2016 წელს რეალ მადრიდში გადაბარგდა. ფეხბურთელმა ყველა ასაკობრივ გუნდში მოასწრო თამაში, თუმცა მთავარ გუნდში დებიუტი არასდროს ჰქონია. 2023 წლის ზაფხულის სატრანსფერო ფანჯრის დროს, მარინი იჯარის წესით ალავესში გადავიდა, სადაც ჯამში 35 მატჩში მიიღო მონაწილეობა.
ფეხბურთელის სურვილი ყოველთვის რეალ მადრიდის მაისურით თამაში იყო, თუმცა 22 წლის მცველი ანჩელოტის გეგმებში არასდროს შედიოდა, ამით კი ნაპოლიმ ისარგებლა და ტრანსფერიც დაიხურა. რაფას უახლოეს დღეებში იტალიაში, სამედიცინო შემოწმების გასავლელად ელოდებიან.
მხარეები ტრანსფერის ბოლო დეტალებს ამ კვირაში მოაგვარებენ. განიხილება კონტრაქტში უკან დაბრუნების, ე.წ. "buy-back" პუნქტის ჩაწერაც.
