გავლენიან ბრიტანულ გამოცემებს თუ დავუჯერებთ, მიმდინარე სეზონის ბოლოს ნიუკასლს რამდენიმე ტოპ ფეხბურთელი აუცილებლად დატოვებს.
სანდრო ტონალი, ტინო ლივრამენტო, ენტონი გორდონი — ეს მოთამაშეები ნიუკასლის დატოვებას სერიოზულად განიხილავენ და ამის შესახებ კლუბის უფროსობასაც აცნობეს.
მთავარი მიზეზი რის გამოც ზემოხსენებული ფეხბურთელები გუნდის გამოცვლას გეგმავენ ჩემპიონთა ლიგის საგზურის გარეშე დარჩენაა. პლიუს ამას ემატება კლუბის ფინანსური მხარეც — ნიუკასლს ფინანსური ფეარ პლეის გამო ზაფხულში გაყიდვები სჭირდება, შესაბამისად, რამდენიმე ფეხბურთელის გასხვისება კლუბს აუცილებლად მოუწევს.
ზემოხსენებულ სიაში ვერ მოხვდნენ ბრუნო გიმარაეში და ლუის ჰოლი, თუმცა არის შანსი ამ ფეხბურთელებმაც დატოვონ ნიუკასლი.
ზაფხულის სატრანსფერო ფანჯრის მოახლოებასთან ერთად, ნიუკასლის სატრანსფერო გეგმების შესახებ უფრო მეტი ინფორმაცია გახდება ცნობილი.
