ტრანსფერი დროის საკითხია — ბოლო მომენტში რაიმე გაუთვალისწინებელი თუ არ მოხდა, ნოა ლანგი ნაპოლიდან კარიერას გალათასარაიში გააგრძელებს! მხარეებს შორის წინასწარი სიტყვიერი შეთანხმება უკვე შედგა, 26 წლის ფეხბურთელს თურქეთში მიმდინარე კვირაში ელოდებიან, სადაც ახალ კლუბში სამედიცინო შემოწმებას გაივლის და კონტრაქტს ხელს მოაწერს. გალათასარაი ნოა ლანგს 6-თვიანი იჯარით დაიმატებს, თუმცა თურქულ გრანდს ნიდერლანდელი შემტევის გამოსყიდვა სეზონის ბოლოს შეეძლება.
ნოა ლანგი, რომ ნაპოლის დატოვებას სერიოზულად განიხილავდა ამის შესახებ იტალიური მედია რამდენიმე თვის განმავლობაში წერდა. ფაქტია, ნიდერლანდელის ნეაპოლურ გუნდში ტრანსფერმა არ გაამართლა, შესაბამისად, ანტონიო კონტესთან შეთანხმებით, ნოა ლანგმა "პარტენოპეის" დატოვება გადაწყვიტა.
ნოა ლანგის შემდეგ, ნაპოლის დიდი ალბათობით ლორენცო ლუკაც დატოვებს. იტალიელი ფორვარდის ტრანსფერზე ნოტინგემ ფორესტი მუშაობს და როგორც იწერება, მხარეები შეთანხმებასთან ძალიან ახლოს არიან.
