ოფიციალურად: ანტუან სემენიო მანჩესტერ სიტის ფეხბურთელია! "ქალაქელებმა" 26 წლის განელი ფეხბურთელის ტრანსფერი სულ რამდენიმე წუთის წინ დაადასტურეს.
მხარეებს შორის £63 მილიონიანი გარიგება შედგა, ხოლო თავად ანტუან სემენიომ ახალ კლუბთან 5.5-წლიანი კონტრაქტი გააფორმა. განელმა ფეხბურთელმა #42 ნომრიანი მაისური მოირგო.
იმის მიუხედავად, რომ საქმეში ლივერპული, ჩელსი, ტოტენჰემი და მანჩესტერ იუნაიტედიც იყო, ანტუან სემენიომ კარიერის გაგრძელება მაინც მანჩესტერ სიტიში გადაწყვიტა. პეპ გვარდიოლას განელი შემტევის დამატება ძალიან სურდა, სწორედ ამიტომ, ფეხბურთელმა სწორედ მანჩესტერ სიტიში გადასვლა არჩია.
ანტუან სემენიო ბორნმუთის ღირსებას 2023 წლიდან მოყოლებული იცავდა. განელმა ფეხბურთელმა ამ დროში 107 მატჩის ჩატარება მოასწრო, გაიტანა 31 გოლი და 13 საგოლე გადაცემითაც გამოიჩინა თავი.
