ოფიციალურად — გალათასარაიმ ვიქტორ ოსიმენი ნაპოლიდან გამოისყიდა! რამდენიმეთვიანი მოლაპარაკებები თურქული კლუბისთვის წარმატებულად დასრულდა და 26 წლის ნიგერიელი ფორვარდი გუნდში დარჩა.
გალათასარაიმ ვიქტორ ოსიმენის სანაცვლოდ €75 მილიონამდე გადაიხადა, ხოლო თავად ფეხბურთელმა ახალ კლუბთან 3-წლიანი კონტრაქტი გააფორმა.
იმის მიუხედავად, რომ რამდენიმე თვის წინ ვიქტორ ოსიმენი გალათასარაიში დარჩენას არ განიხილავდა, ფეხბურთელმა საბოლოო ჯამში გადაწყვეტილება შეცვალა და თურქეთში დარჩა. შეგახსენებთ, ნიგერიელის დამატების სურვილი ალ ჰილალსა და იუვენტუსსაც ჰქონდათ, თუმცა ფეხბურთელმა ორივე კლუბს უარი განუცხადა.
ვიქტორ ოსიმენმა გასული სეზონი გალათასარაიში იჯარის წესით გაატარა. ფეხბურთელმა ამ დროში 41 მატჩის ჩატარება მოასწრო, გაიტანა 37 გოლი და 8 საგოლე გადაცემითაც გამოიჩინა თავი.
