ოფიციალურად: გიორგი წიტაიშვილი გრანადას ფეხბურთელია

ოფიციალურად - საქართველოს ეროვნული ნაკრების წევრი გიორგი წიტაიშვილი კარიერას გრანადაში გააგრძელებს. დინამო კიევსა და ესპანურ გუნდს შორის შეთანხმება 1-წლიან იჯარაზე შედგა, გამოსყიდვის უფლების გარეშე. 23 წლის ფეხბურთელმა ახალ კლუბში სამედიცინო შემოწმება უკვე გაიარა და კონტრაქტსაც მოაწერა ხელი. გრანადამ ტრანსფერი სულ რამდენიმე წუთის წინ დაადასტურა.

წიტაიშვილის დამატებას კიდევ ორი კლუბი ცდილობდა, გერმანული ჰერტა და ფრანგული მეცი, თუმცა გიორგიმ ესპანურ გუნდზე გააკეთა არჩევანი.

გრანადა ლა ლიგა 2-ში წინა სეზონში დაქვეითდა — წიტაიშვილის მომავალი გუნდი ახალ სეზონს 15 აგვისტოს, ალბასეტეს წინააღმდეგ დაიწყებს.