გვინდოდა ავსტრიაში წავსულიყავით, გერმანიასთან ახლოს. საგურამოში კარგი პირობებია, თუმცა ფაქტებიდან გამომდინარე, უკეთესი იქნებოდა ავსტრიაში წასვლა. ძალიან გვინდოდა ამხანაგურის თამაში და იმის გათვალისწინებით, რომ თბილისში არ გვაქვს თამაში, ავსტრიაში მომზადება კარგია, აკლიმატიზაციისთვისაც მშვენიერია, რადგან გერმანიასთან ახლოსაა," - ამის შესახებ დღეს სფფ-ის ვიცე პრეზიდენტის, ალექსანდრე იაშვილმა პრესკონფერენციაზე ისაუბრა.
შეგახსენებთ, საქართველოს ნაკრები გერმანიაში EURO 2024-ის ჯგუფურ ეტაპზე სამ შეხვედრას გამართავს. 18 ივნისს დორტმუნდში, თურქეთის ნაკრებს დაუპირისპირდება. 22 ივნისს, ჰამბურგში, საქართველოს ნაკრების მეტოქე ჩეხეთი იქნება. ჯგუფური ეტაპის დასკვნით შეხვედრას კი ჩვენი გუნდი 26 ივნისს, გელზენკირხენში, პორტუგალიის წინააღმდეგ გამართავს.
