შეთანხმება შედგა — ანდრე ონანა მანჩესტერ იუნაიტედიდან კარიერას ტრაბზონსპორში გააგრძელებს! მხარეებმა გარიგების ყველა დეტალი შეათანხმეს, 29 წლის კამერუნელ მეკარეს თურქეთში უკვე ელოდებიან, სადაც ახალ კლუბში სამედიცინო შემოწმებას გაივლის და კონტრაქტს ხელს მოაწერს. მხარეებს შორის 1-წლიანი საიჯარო ხელშეკრულება გაფორმდება.
ანდრე ონანა, რომ რუბენ ამორიმის გეგმებში არ შედიოდა, ამის შესახებ რამდენიმე თვის წინ გაცნობეთ. შემდეგ ამ ყველაფერს მოჰყვა სემ ლამერსის ტრანსფერიც, რა დროსაც ყველა მიხვდა, რომ კამერუნელი მეკარის წასვლა უბრალოდ დროის საკითხი იყო. ტრაბზონსპორი მანჩესტერ იუნაიტედს მიმდინარე კვირის დასაწყისში დაუკავშირდა. მხარეებს შორის შეთანხმება საკმაოდ მარტივად შედგა, რადგან თავად ანდრე ონანას დიდი სურვილიც იყო თურქულ კლუბში გადასვლა.
ბოლო მომენტში რაიმე გაუთვალისწინებელი თუ არ მოხდა, ტრაბზონსპორტი 29 წლის მეკარეს უახლოეს დღეებში ოფიციალურად წარადგენს.
