მილანში ახალი სეზონისთვის მზადება უკვე დაიწყეს. მიმდინარე სეზონი როგორც არ უნდა დასრულდეს, მაქს ალეგრის კლუბისგან სრული ნდობა აქვს და იტალიელი სპეციალისტი "როსონერიში" მუშაობას აუცილებლად გააგრძელებს. ამ სტატიაში კი მილანური გრანდის ზაფხულის სატრანსფერო გეგმების შესახებ მოგიყვებით.
როგორც კლუბთან დაახლოებული წყაროები წერენ, მილანი ზაფხულში 4-5 ახალ ფეხბურთელს აუცილებლად დაიმატებს. "როსონერი" განიხილავს მინიმუმ ორი მცველის ყიდვას, ასევე იგეგმება ნახევარდაცვის გაძლიერება და ფორვარდის დამატებაც.
ცენტრალური მცველის პოზიციაზე ერთ-ერთი მთავარი სამიზნე მარიო ხილაა, რომელიც ზაფხულში ლაციოს აუცილებლად დატოვებს. ესპანელი ფეხბურთელის სატრანსფერო ფასი დაახლოებით €20/25 მილიონია.
დაცვის ხაზში იგეგმება ფლანგის მოთამაშის დამატებაც, თუმცა კონკრეტულ სახელებზე ჯერ არაფერი იწერება.
ცენტრალური ნახევარდაცვის საკითხი ზაფხულში გადაწყდება, რადგან ამ მომენტისთვის უცნობია ლუკა მოდრიჩი მილანში მომდევნო სეზონშიც დარჩება თუ არა, ხოლო რაც შეეხება რუბენ ლოფტუს-ჩიკსა და იუსუფ ფოფანას, მათი მომავალი სეზონის დასრულების შემდეგ გადაწყდება.
რაც შეეხება ფორვარდის პოზიციას, მაქს ალეგრის რჩეული მოიზე კინია, რომელიც მარიო ხილას მსგავსად, ახალ სეზონს აუცილებლად ახალ გუნდში დაიწყებს. ინფორმაციისთვის იმასაც გეტყვით, რომ ფიორენტინა 26 იტალიელ ფეხბურთელს დაახლოებით €45/50 მილიონად აფასებს.
"როსონერი" ცხრიანის პოზიციაზე სხვა ფეხბურთელებსაც განიხილავს, თუმცა ამ მომენტისთვის კონკრეტული არაფერი იწერება.
ზაფხულში დიდი ცვლილებები შეეხება არსებულ შემადგენლობასაც, რადგან როგორც იწერება მილანს საკმაოდ ბევრი ფეხბურთელი დატოვებს, ეს ყველაფერი კი იმას ნიშნავს, რომ მაქს ალეგრის გუნდს საკმაოდ დატვირთული სატრანსფერო ფანჯარა ელოდება.
