დადასტურებულად — ბარსელონა ალესანდრო ბასტონის პირად კონტრაქტზე შეუთანხმდა! 27 წლის იტალიელ ფეხბურთელს ინტერის დატოვება და კარიერის კატალონიურ კლუბში გაგრძელება სურს, შესაბამისად, ამ შეთანხმების საფუძველზე მოლაპარაკებებში სერიოზული წინსვლაა.
შემდეგი ეტაპი კლუბებს შორის შეთანხმებაა, რაც მარტივი ნამდვილად არ იქნება. ინტერი ალესანდრო ბასტონის დაახლოებით €65/70 მილიონად აფასებს, რაც ბარსელონასთვის საკმაოდ დიდი თანხაა, სწორედ ამიტომ განიხილება გარიგებაში რომელიმე ფეხბურთელის ჩართვა.
გავლენიან წყაროებს თუ დავუჯერებთ ფეხბურთელი, რომელიც შესაძლოა ალესანდრო ბასტონის ტრანსფერში ჩაერთოს ჰექტორ ფორტია. "ნერაძურიში" 19 წლის ფეხბურთელი ძალიან მოსწონთ, შესაბამისად, არის შანსი სწორედ ის გახდეს მთავარი გასაღები ამ გარიგებაში. იტალიელი მცველის ტრანსფერში ჩასართველად ჰექტორ ფორტის გარდა სხვა ფეხბურთელებიც განიხილებიან, თუმცა ამ მომენტისთვის უცნობია რომელ მოთამაშეებზეა საუბარი.
ზაფხულის სატრანსფერო ფანჯრის მოახლოებასთან ერთად, ალესანდრო ბასტონის ბარსელონაში შესაძლო ტრანსფერთან დაკავშირებით უფრო მეტი ინფორმაცია გახდება ცნობილი.
