ლუის დიასის მერსისაიდული ისტორია დასასრულს უახლოვდება. როგორც ირკვევა, კოლუმბიელმა ფეხბურთელმა არნე სლოტსა და კლუბის ხელმძღვანელობას განუცხადა, რომ ლივეპულის დატოვება და კარიერის ბაიერნში გაგრძელება სურს. 28 წლის ფეხბურთელი თვლის, რომ მისი კარიერისთვის ეს ტრანსფერი მნიშვნელოვანი ნაბიჯი იქნება და იმედოვნებს, რომ კლუბები შეთანხმებას მოახერხებენ.
შეგახსენებთ, ბაიერნის პირველი შეთავაზება €67.5 მილიონი ლივერპულმა დაბლოკა, თუმცა გერმანელები ახალ, გაუმჯობესებულ შეთავაზებას უკვე ამზადებენ. ვენსან კომპანის ლუის დიასის დამატება ძალიან სურს, შესაბამისად, "რეკორდმაისტერში" იმედოვნებენ, რომ ლივერპული ამ ტრანსფერს ხელს არ შეუშლის და გარიგება შედგება.
ლუის დიასსა და ბაიერნს შორის პირადი კონტრაქტი უკვე შეთანხმებულია. კოლუმბიელი ვინგერისთვის 4-წლიანი ხელშეკრულება გამზადებულია, რა დროსაც ფეხბურთელის წლიური ანაზღაურება €14 მილიონი იქნება. უახლოეს დღეებში ლუის დიასის პოტენციურ ტრანსფერთან დაკავშირებით უფრო მეტი ინფორმაცია გახდება ცნობილი, რადგან ბაიერნსა და ლივერპულს შორის ახალი კონტაქტია დაგეგმილი.
ინფორმაციისთვის ისიც აუცილებლად უნდა ითქვას, რომ 28 წლის ფეხბურთელით ბარსელონა და საუდის კლუბებიც სერიოზულად ინტერესდებიან.
