მას შემდეგ, რაც ჯაკომო რასპადორიმ ატლეტიკო მადრიდი დატოვა, ჩოლო სიმეონეს გუნდი ახალ შემტევს ეძებს. სიაში რამდენიმე ფეხბურთელია, თუმცა #1 სამიზნე უკვე ცნობილია — მადრიდული კლუბი პარი სენ-ჟერმენის 24 წლის ვინგერის, კანგ-ინ ლის დამატებაზე მუშაობს!
ატლეტიკო მადრიდის სპორტული დირექტორი მატეუ ალემანი უახლოეს საათებში პარიზში გაფრინდება, სადაც მხარეებს შორის ახალი შეხვედრა შედგება. ატლეტიკო მადრიდს 24 წლის ფეხბურთელის დამატება ძალიან სურს, შესაბამისად, განიხილება როგორც იჯარა, ისე მოთამაშის პირდაპირ ყიდვაც.
იმის მიუხედავად, რომ ლუის ენრიკეს კანგ-ინ ლის შენარჩუნება სურს, ფეხბურთელს სათამაშო დროსთან დაკავშირებით პრობლემები აქვს, სწორედ ამიტომ ატლეტიკო მადრიდის ვარიანტი ძალიან მოსწონს.
უახლოეს საათებში კანგ-ინ ლის პოტენციურ ტრანსფერთან დაკავშირებით უფრო მეტი ინფორმაცია გახდება ცნობილი.
