რა გეგმები აქვს ფრანგ ფეხბურთელს? 31 წლის ნახევარმცველი მაიამიში ინდივიდუალურად აგრძელებს ვარჯიშს. ფეხბურთელს ახალ კლუბში გადასვლა 2025 წლის 1 იანვრიდან შეეძლება, მოედანზე გასვლა და ოფიციალურ შეხვედრაში მონაწილეობას კი მარტიდან შეძლებს.
პოგბას აგენტი, რაფაელა პიმენტა რამდენიმე კლუბს უკვე დაუკავშირდა და საკუთარი კლიენტი შესთავაზა, თუმცა ამ დრომდე უცნობია, განიხილავს თუ არა რომელიმე ტოპ კლუბი ფრანგის დამატებას. რაც ვიცით ისაა, რომ ფეხბურთელის სურვილია ისეთ გუნდში გადავიდეს, რომელიც მსოფლიოს საკლუბო ჩემპიონატზე ითამაშებს, რათა ზაფხულის შესვენება კარგად გამოიყენოს და ფორმა რაც შეიძლება მალე აღიდგინოს.
იანვრის სატრანსფერო ფანჯარა ზუსტად 46 დღეში გაიხსნება, უახლოეს კვირებში კი პოგბასთან დაკავშირებით სიახლეებს ველოდებით. ფეხბურთელი დასაბრუნებლად ემზადება და როგორც თავად აცხადებს, მისი კარიერა თავიდან დაიწყება.
