LaGazzetta.ge-ს ინფორმაციით, გორის დილამ ევროტურნირებამდე რამდენიმე დღით ადრე საინტერესო ტრანსფერი განახორციელა.
როგორც ჩვენთვის არის ცნობილი, გორელებმა პსჟ-ს აკადემიის ფეხბურთელი ლენი მანისა დაიმატეს. მანისა პსჟ-ს 19-წლამდე გუნდში თამაშობდა.
21 წლის ფრანგი ცენტრალური მცველი პსჟ-მ 3 წლის წინ გინგამიდან 400 ათას ევროდ იყიდა, ერთი წლის შემდეგ ის პარმას ახალგაზრდულ გუნდში გადავიდა, სადაც 25 მატჩში 4 გოლი გაიტანა და 4 საგოლე გადაცემა გააკეთა. ბოლოს მანისა ათენის აეკში გამოდიოდა, ამიერიდან კი დილას ფეხბურთელი იქნება.
შეგახსენებთ, რომ რამდენიმე დღის წინ, დილა საქართველოს სუპერთასის მფლობელი გახდა. კონფერენს ლიგის საკვალიფიკაციო ეტაპზე ისინი ლუქსემბურგის რასინგს დაუპირისპირდებიან. მატჩები 10 და 17 ივლისს გაიმართება.
