ტრანსფერი დაიხურა, ქარიმ ბენზემა ალ-იტიჰადიდან კარიერას ალ-ჰილალში გააგრძელებს! მხარეებმა გარიგების ყველა დეტალი შეათანხმეს, ვეტერან ფეხბურთელს ახალ კლუბში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
ქარიმ ბენზემა, რომ ალ-იტიჰადის დატოვებას სერიოზულად განიხილავდა, ამის შესახებ გავლენიანი გამოცემები რამდენიმე კვირის განმავლობაში წერდნენ. ფრანგ ფეხბურთელს კლუბის უფროსობასთან არც ისე კარგი ურთიერთობა ჰქონდა, რასაც ახალი კონტრაქტის საკითხიც ემატებოდა. ამ ყველაფერით კი ალ-ჰილალმა ისარგებლა და გარიგებაც დახურა.
ქარიმ ბენზემა ალ-იტიჰადის ღირსებას 2023 წლიდან მოყოლებული იცავდა. ფრანგმა ფორვარდმა ამ დროში 83 მატჩის ჩატარება მოასწრო, გაიტანა 54 გოლი და 17 საგოლე გადაცემითაც გამოიჩინა თავი.
