დადასტურებულად — რასმუს ჰოილუნი ზაფხულის სატრანსფერო ფანჯრის დროს მანჩესტერ იუნაიტედს 100% დატოვებს. გადაწყვეტილება საბოლოოა და გადახედვას არ ექვემდებარება. დანიელი ფორვარდის ტრანსფერი მანჩესტერ იუნაიტედის ისტორიაში ერთ-ერთ ყველაზე ცუდ გარიგებად შეფასდა, შესაბამისად, კლუბმა მისი გაყიდვა გადაწყვიტა.
სად გააგრძელებს რასმუს ჰოილუნი კარიერას?
დიდი შანსია 22 წლის დანიელი ფორვარდი უკან, იტალიაში დაბრუნდეს. როგორც ირკვევა, ფეხბურთელის ტრანსფერზე ინტერი მუშაობს! "ნერაძური" ახალ ფორვარდს ეძებს, ჰოილუნი კი #1 სამიზნეა. მხარეები გარიგებაზე უკვე რამდენიმე კვირაა, რაც მუშაობენ. ინტერს ზაფხულის სატრანსფერო ფანჯრის დროს ხოაკინ კორეა და მარკო არნაუტოვიჩი დატოვებენ, შესაბამისად, კრისტიან კივუს გუნდს ახალი შემტევი დასჭირდება. რასმუს ჰოილუნის ტრანსფერზე პირადად ბეპე მაროტა მუშაობს.
შეგახსენებთ, რასმუს ჰოილუნს სერია ა-ში თამაშის გამოცდილება აქვს. დანიელი ფორვარდი 2022-2023 წლებში ატალანტას ღირსებას იცავდა. უახლოეს პერიოდში დანიელი ფორვარდის პოტენციურ ტრანსფერთან დაკავშირებით უფრო მეტი ინფორმაცია გახდება ცნობილი.
