დაახლოებით ერთი თვის წინ, კალაფიორის დამატებასთან ყველაზე ახლოს იუვენტუსი იყო. მას შემდეგ, რაც ტიაგო მოტამ ტურინული გრანდი ჩაიბარა, ჯუნტოლიმ იტალიელი მცველის ტრანსფერზე მუშაობა დაიწყო, თუმცა სიტუაცია ევროპის ჩემპიონატის მიმდინარეობისას, თავიდან ბოლომდე შეიცვალა. ფეხბურთელმა იტალიის ნაკრებში საოცარი პერფორმანსი შემოგვთავაზა, შესაბამისად, მისი დამატება სხვა გუნდებსაც მოუნდათ.
კალაფიორის ფასი ერთი თვის წინ თუ €25 მილიონი იყო, ახლა ბოლონია ფეხბურთელის სანაცვლოდ €50 მილიონამდე ითხოვს. აუცილებლად უნდა ითქვას ისიც, რომ კალაფიორის სატრანსფერო უფლებების 40%-ს, მისი ყოფილი გუნდი ბაზელი ფლობს, შესაბამისად, ბოლონია მაქსიმუალურად ეცდება ფეხბურთელი, რაც შეიძლება მაღალ ფასად გაყიდოს.
ზემოთ ხსენებული კლუბებიდან, ამ მომენტისთვის ყველაზე მეტად არსენალი აქტიურობს - არტეტას გუნდმა, ფეხბურთელს პროექტი და პირადი კონტრაქტი უკვე შესთავაზა და როგორც ირკვევა, რიკარდოს არსენალში თამაშის დიდი სურვილი აქვს. "მეთოფეები" უახლოეს დღეებში ეცდებიან ბოლონიასთან ტრანსფერზე შეთანხმებას. ჩელსი, ლევერკუზენი და პსჟ კალაფიორისთვის ბრძოლას ბოლომდე გააგრძელებენ.
უახლოეს დღეებში, იტალიელი მცველის მომავალთან დაკავშირებით, უფრო მეტ სიახლეს შევიტყობთ.
