ლორენცო პელეგრინი რომას აკადემიის აღზრდილია, საიდანაც 2015 წელს სასუოლოში გადაბარგდა, თუმცა ზუსტად ორ წელში უკან, იტალიის დედაქალაქში დაბრუნდა. ფეხბურთელი რომას ერთ-ერთ ლიდერად მალევე ჩამოყალიბდა, რასაც შემდგომში კაპიტნად არჩევაც მოჰყვა. 28 წლის ფეხბურთელმა რომას რიგებში 300-ზე მეტი მატჩი ჩაატარა, თუმცა როგორც ჩანს ყველაფერს აქვს დასასრული. დედაქალაქური კლუბი იტალიელის გაყიდვაზე ფიქრობს.
როგორც იტალიური მედია იუწყება, ნაპოლი და ფიორენტინა იტალიელი ფეხბურთელით ინტერესდებიან — პირველი კონტაქტი ლორენცოს აგენტთან უკვე შედგა. უახლოეს დღეებში მოსალოდნელია სხვა კლუბების გააქტიურებაც. რომა 28 წლის ფეხბურთელს დაახლოებით €15-20 მილიონად აფასებს. ლორენცო პელეგრინის კლუბთან არსებული კონტრაქტი 2026 წლამდე აკავშირებს.
იანვრის სატრანსფერო ფანჯრის გახსნამდე სულ რაღაც 8 დღეა დარჩენილი, რაც იმას ნიშნავს, რომ უახლოეს პერიოდში ლორენცო პელეგრინის თაობაზე უფრო მეტი ინფორმაცია გახდება ცნობილი.
