სატრანსფერო ბანის მიუხედავად, ლიონი ახალ შემტევს იმატებს

ბოტაფოგოს შემტევი ნახევარმცველი სამედიცინო შემოწმებას უახლოეს საათებში გაივლის. არგენტინელმა ფეხბურთელმა დაახლოებით ერთი თვის წინ დაადასტურა, რომ იანვარში კარიერას ლიონში გააგრძელებდა, გუნდის ფინანსური პრობლემების მიუხედავად. 

როგორ მოახერხა ლიონმა ამ ტრანსფერის დახურვა? ამაზე მარტივი პასუხი გვაქვს — ბოტაფოგო და ლიონი ჯონ ტექსტორისა და მისი Eagle Football Holdings-ის ჯგუფის მფლობელობაშია, შესაბამისად ფრანგული კლუბი ფეხბურთელის სანაცვლოდ სატრანსფერო თანხას არ გადაიხდის და მას უფასოდ დაიმატებს. ასეთი გარიგებით ლიონი შეძლებს და გვერდს აუვლის სატრანსფერო აკრძალვას.

ტიაგო ალმადა ატლანტა იუნაიტედში საბა ლობჟანიძის გუნდელი იყო, 2024 წლის ზაფხულის სატრანსფერო ფანჯრის დროს კი ის ბოტაფოგომ €19.5 მილიონის სანაცვლოდ შეიძინა. 23 წლის ფეხბურთელის ტრანსფერი თავიდან ლიონში იყო დაგეგმილი, თუმცა კლუბის ფინანსური პრობლემების გამო ფეხბურთელი ბრაზილიაში გაუშვეს.

არგენტინელი ფეხბურთელი პოზიციით შემტევი ნახევარმცველია, რომელსაც ასევე შეუძლია მეორე ფორვარდისა და ვინგერის პოზიციაზე თამაშიც. ფეხბურთელის ასეთმა უნივერსალობამ, შეიძლება გიორგი მიქაუტაძის მომავალი შეცვალოს. შეგახსენებთ, გალათასარაი ქართველი ფორვარდის ტრანსფერზე მუშაობას აგრძელებს და მოსალოდნელია, რომ უახლოეს დღეებში სტამბოლელები ახალ შეთავაზებას გააკეთებენ. ლიონს კი გაყიდვები სჭირდება...