ტრანსფერი დაიხურა — ჯეიდონ სანჩო მანჩესტერ იუნაიტედიდან კარიერას ასტონ ვილაში გააგრძელებს! მხარეებმა გარიგების ყველა დეტალი შეათანხმეს, 25 წლის ინგლისელს ახალ კლუბში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს. მხარეებს შორის 1-წლიანი საიჯარო ხელშეკრულება გაფორმდება.
მას შემდეგ, რაც ჯეიდონ სანჩო ჩელსიდან უკან, მანჩესტერ იუნაიტედში დაბრუნდა, ფეხბურთელის ტრანსფერზე არაერთი კლუბი მუშაობდა. საქმეში იყო იუვენტუსი, რომა, დორტმუნდი და ლევერკუზენი, თუმცა ყველას ასტონ ვილამ აჯობა და გარიგებაც დაიხურა.
როგორც უკვე ზემოთ მოგახსენეთ, ჯეიდონ სანჩომ გასული სეზონი იჯარის წესით ჩელსიში გაატარა, სადაც 41 მატჩში მიიღო მონაწილეობა, გაიტანა 5 გოლი და 10 საგოლე გადაცემითაც გამოიჩინა თავი.
