ბოლო საათებში გავრცელებული ინფორმაციის თანახმად, არსენალი შესაძლოა გუნდის ერთ-ერთმა ლიდერმა დატოვოს. საუბარია ტომას პარტეიზე, რომელიც დიდი შანსია უახლოეს დღეებში თავისუფალი აგენტი გახდეს. "მეთოფეები" და განელი ნახევარმცველი ახალ კონტრაქტზე უკვე ერთი წელია, რაც მუშაობენ, თუმცა ამის მიუხედავად, შეთანხმებას მაინც ვერ ახერხებენ.
ამ მომენტისთვის ტომას პარტეის არსენალში დარჩენის შანსი მიზერულია, მეტიც, 32 წლის ფეხბურთელის აგენტი რამდენიმე კლუბთან მოლაპარაკებებს უკვე აწარმოებს. რამდენიმე წყაროს ინფორმაციით, ტომას პარტეით ისეთი კლუბები ინტერესდებიან როგორიცაა მილანი, იუვენტუსი და ფენერბაჰჩე. საქმეში არიან საუდის კლუბებიც.
ტომას პარტეი არსენალის ღირსებას 2020 წლიდან მოყოლებული იცავს. ფეხბურთელმა ამ დროში 167 მატჩის ჩატარება მოასწრო, გაიტანა 9 გოლი და 7 საგოლე გადაცემაც შეასრულა. არსენალი ბოლო მომენტამდე შეეცდება ფეხბურთელის შენარჩუნებას, თუმცა დღევანდელი მოცემულობით, ტომას პარტეის ემირეითსიდან წასვლის შანსი საკმაოდ დიდია.
