იმის მიუხედავად, რომ 2025/26 სეზონის მხოლოდ 1/3 არის გასული, ბაიერნში მომდევნო სეზონისთვის მზადება უკვე დაიწყეს და ერთი მნიშვნელოვანი გადაწყვეტილებაც მიიღეს — მიუნხენური გრანდი სეზონის ბოლოს ნიკოლას ჯექსონს ჩელსიდან არ გამოისყიდის. გადაწყვეტილება საბოლოოა და დიდი ალაბთობით აღარ შეიცვლება.
შეგახსენებთ, ნიკოლას ჯექსონი ბაიერნში 1-წლიანი იჯარით თამაშობს, ბაიერნს კი სენეგალელი ფორვარდის გამოსყიდვა €65 მილიონად შეუძლია, თუმცა როგორც ზემოთ დავწერეთ, "რეკორდმაისტერი" ამ უფლებას არ გამოიყენებენ, რაც იმას ნიშნავს, რომ 24 წლის ფეხბურთელი ზაფხულში უკან, ჩელსიში დაბრუნდება. იმის მიუხედავად, რომ ნიკოლას ჯექსონი გერმანიაში ბედნიერია, ბაიერნში ფიქრობენ, რომ კლუბს ბევრად ძლიერი ფორვარდი სჭირდება, რომელიც ჰარი კეინის წასვლის შემდეგ მთავარი ცხრიანი გახდება, შესაბამისად, ფინანსები სხვა ტრანსფერს მოხმარდება.
ნიკოლას ჯექსონმა ამ სეზონში 15 მატჩის ჩატარება მოასწრო, რა დროშიც 5 გოლი გაიტანა და 2 საგოლე გადაცემაც შეასრულა.
