გავლენიანი ესპანური გამოცემები საკმაოდ საინტერესო ინფორმაციას ავრცელებენ — ბოლო მომენტში რაიმე გაუთვალისწინებელი თუ არ მოხდა, დანი კარვახალი მიმდინარე სეზონის ბოლოს რეალ მადრიდს თავისუფალი აგენტის სტატუსით დატოვებს. სამეფო კლუბში ფიქრობენ, რომ 34 წლის ფეხბურთელმა საკუთარი თავი ამოწურა და ახალი ხელშეკრულების გაფორმების აუცილებლობა აღარ არის.
ბევრი გამოცემა იმასაც წერს, რომ თავად ესპანელი ფეხბურთელიც სერიოზულად განიხილავს გუნდის გამოცვლას, რადგან არსებული სიტუაციიც უკმაყოფილოა. ჩაბი ალონსოსთან დაწყებული მინი კრიზისი ალვარო არბელოასთანაც გრძელდება და ვეტერანი ფეხბურთელი დიდ სათამაშო დროს კვლავ ვერ იღებს, რაც მუნდიალის წინ დიდ პრობლემას წარმოადგენს.
დანი კარვახალი რეალ მადრიდის აკადემიის აღზრდილია, პირველი გუნდის ღირსებას კი 2013 წლიდან მოყოლებული იცავს. ესპანელმა განაპირა მცველმა ამ დროში 438 მატჩი ჩატარება მოასწრო, გაიტანა 14 გოლი და 65 საგოლე გადაცემითაც გამოიჩინა თავი. დანი კარვახალმა რეალ მადრიდთან ერთად 26 ტიტულის მოგებაც მოახერხა.
ზაფხულის სატრანსფერო ფანჯრის მოახლოებასთან ერთად, დანი კარვახალის თაობაზე უფრო მეტი ინფორმაცია გახდება ცნობილი.
