სიტუაციის რადიკალური ცვლილება — 24 საათიც არ გასულა მას შემდეგ, რაც ტოტენჰემმა ებერეჩი ეზეს თაობაზე როგორც ფეხბურთელთან, ისე კრისტალ პალასთანაც სიტყვიერ შეთანხმებას მიღწია, თუმცა ახლა როგორც ირკვევა, 27 წლის ინგლისელი ნახევარმცველი არა "დეზებში", არამედ არსენალში გააგრძელებს კარიერას! დიახ, "მეთოფეებმა" ისტორიულად პრინციპულ მეტოქეს მთავარი სამიზნე მაინც წაართვეს!
არსენალის უფროსობა ებერეჩი ეზეს კანდიდატურას მას შემდეგ მიუბრუნდა, რაც კაი ჰავერცმა მუხლზე მძიმე ტრავმა მიიღო. მიკელ არტეტამ კრისტალ პალასის "ათიანის" დამატება კიდევ ერთხელ მოითხოვა, რაზეც კლუბის სპორტულმა დირექტორმა თანხმობა განაცხადა. მხარეებმა გარიგების ყველა დეტალი შეათანხმეს, ებერეჩი ეზეს ახალ კლუბში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს. საუბარია დაახლოებით £67.5 მილიონიან გარიგებაზე.
ებერეჩი ეზე კრისტალ პალასის ღირსებას 2020 წლიდან მოყოლებული იცავდა. ფეხბურთელმა ამ დროში 168 მატჩის ჩატარება მოასწრო, გაიტანა 40 გოლი და 28 საგოლე გადაცემითაც გამოიჩინა თავი.
