LaGazzetta.ge-ს ინფორმაციით, ალექსანდრე კალანდაძე დინამო თბილისიდან კარიერას ვისლა პლოცკში გააგრძელებს! მხარეებმა გარიგების ყველა დეტალი შეათანხმეს, 24 წლის ცენტრალური მცველი ახალ კლუბში სამედიცინო შემოწმებას დღეს გაივლის და კონტრაქტს ხელს მოაწერს. როგორც ჩვენთვის ირკვევა, დინამო თბილისი ალექსანდრე კალანდაძის მომდევნო ტრანსფერიდან 50%-ს მიიღებს.
ალექსანდრე კალანდაძე ბოლოს იჯარის წესით ფეჰერვარში თამაშობდა. ქართველმა ფეხბურთელმა უნგრული კლუბის მაისურით 11 შეხვედრაში მიიღო მონაწილეობა და უკან, დინამო თბილისში მიმდინარე თვეში დაბრუნდა.
ქართველი ფეხბურთელი დინამო თბილისის აღზრდილია. ალექსანდრე კალანდაძეს საქართველოს ეროვნულ ნაკრებში 2 მატჩიც აქვს ჩატარებული.
