შეთანხმება შედგა — ედონ ჟეგროვა ლილიდან კარიერას იუვენტუსში გააგრძელებს! მხარეებმა გარიგების ყველა დეტალი შეათანხმეს, 26 წლის ვინგერს იტალიაში უკვე ელოდებიან, სადაც ახალ კლუბში სამედიცინო შემოწმებას გაივლის და კონტრაქტს ხელს მოაწერს.
"ბიანკონერი" კოსოვოელი შემტევის სანაცვლოდ დაახლოებით €20-22 მილიონს გადაიხდის.
ედონ ჟეგროვა, რომ ლილის დატოვებას განიხილავდა, ამის შესახებ პირველად მიმდინარე წლის დასაწყისში გაცნობეთ. განიხილებოდა ნაპოლიში ტრანსფერიც, როცა ანტონიო კონტემ ფეხბურთელის დამატება პირადად მოითხოვა, თუმცა ეს გარიგება არ შედგა. რამდენიმე დღის წინ კი საქმეში იუვენტუსი ჩაერთო და 26 წლის ფეხბურთელის ტრანსფერიც დაიხურა.
კოსოვოელი ვინგერი ლილის ღირსებას 2022 წლიდან მოყოლებული იცავდა. ედონ ჟეგროვამ ამ დროში 107 მატჩის ჩატარება მოასწრო, გაიტანა 26 გოლი და 18 საგოლე გადაცემითაც გამოიჩინა თავი.
