დადასტურებულად — კეპა არისაბალაგა ჩელსიდან კარიერას არსენალში გააგრძელებს! "მეთოფეებმა" 30 წლის ესპანელი მეკარის კონტრაქტში ჩაწერილი გამოსასყიდი თანხის გააქტიურება გადაწყვიტეს. საუბარია სულ რაღაც £5 მილიონზე, ხოლო რაც შეეხება კეპას, მისთვის გრძელვადიანი კონტრაქტი უკვე გამზადებულია. ესპანელს ლონდონში უკვე ელოდებიან, სადაც ახალ კლუბში სამედიცინო შემოწმებას გაივლის და კონტრაქტს ხელს მოაწერს.
შეგახსენებთ, კეპამ 2024/25 სეზონი იჯარის წესით ბორნმუთში გაატარა. ესპანელმა კიპერმა ამ დროში 35 მატჩის ჩატარება მოასწრო, კარი კი მშრალად 9-ჯერ შეინახა. "ალუბლები" ფეხბურთელის გამოსყიდვაზე ფიქრობდნენ, თუმცა კეპას გუნდის დატოვება სურდა, შესაბამისად, ეს გარიგება აღარ შედგა.
კეპა არისაბალაგა არსენალში მეორე ნომრის როლს მოირგებს — "მეთოფეების" მთავარი კარის დარაჯი კვლავ დავიდ რაია იქნება.
