რამდენიმეკვირიანი მოლაპარაკებები საბოლოო შეთანხმებით დასრულდა — კევინ დე ბრუინი მანჩესტერ სიტიდან კარიერას ნაპოლიში გააგრძელებს! მხარეებს შორის 3-წლიანი ხელშეკრულება გაფორმდება, 33 წლის ბეგლიელი ფეხბურთელის წლიური ანაზღაურება კი €6 მილიონი იქნება. კევინ დე ბრუინის წარმომადგენლები ნეაპოლში დღეს ჩაფრინდებიან, სადაც გარიგების ბოლო დეტალებს შეათანხმებენ.
მას შემდეგ, რაც კევინ დე ბრუინის მანჩესტერ სიტიდან წასვლა დადასტურდა, ვეტერანი ბელგიელის ტრანსფერზე რამდენიმე კლუბი აქტიურად მუშაობდა. საქმეში იყვნენ ასტონ ვილა, ჩიკაგო ფაიერი და საუდის კლუბები, თუმცა ყველას ნაპოლიმ აჯობა.
ბეგლიელ ფეხბურთელს უახლოეს დღეებში ნეაპოლში ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს. ნაპოლისთვის ეს ზაფხულის მეორე ტრანსფერი იქნება. შეგახსენებთ, "პარტენოპეიმ" ლუკა მარიანუჩის გარიგება უკვე დახურა.
