შეთანხმება შედგა — ლუკას ვასკესი კარიერას ლევერკუზენში გააგრძელებს! მხარეებს შორის ყველაფერი შეთანხმებულია, ვეტერანი ესპანელი ფეხბურთელი უკვე გერმანიაში იმყოფება, სადაც ახალ კლუბში სამედიცინო შემოწმებას გაივლის და კლუბთან 2-წლიან კონტრაქტს გააფორმებს.
მას შემდეგ, რაც 34 წლის ფეხბურთელმა რეალ მადრიდი დატოვა, ესპანელის დამატებას რამდენიმე კლუბი ცდილობდა. განიხილებოდა კარიერის საუდის ლიგაში გაგრძელებაც, მაგრამ ლუკას ვასკესისთვის პრიორიტეტი ყოველთვის ევროპაში დარჩენა იყო. შემდეგ საქმეში ლევერკუზენი ჩაერთო და გარიგებაც დაიხურა.
ლუკას ვასკესი ლევერკუზენში ჟერემი ფრიმპონგს შეცვლის. ერიკ ტენ ჰაგმა ვეტერანი ესპანელის ტრანსფერი პირადად მოითხოვა.
